COP17-ын үеэр АНУ, БНСУ, БНХАУ, Сингапур болон Монголын 10 байгууллага, компанитай эрчим хүчний хэмнэлттэй хиймэл оюун, ногоон дата төв, сэргээгдэх болон бусад эрчим хүчний чиглэлээр хамтран ажиллах харилцан ойлголцлын санамж бичгүүд байгууллаа.
Ингэснээр Монгол Улсад хувийн хэвшлийн хөрөнгө оруулалтаар 863 МВт-ын хүчин чадалтай дата төвүүдийг хөгжүүлэх, эрчим хүч, өгөгдөл, хиймэл оюунд суурилсан өндөр өгөөж бүхий шинэ эдийн засгийн салбарын суурийг бүрдүүлнэ.
